శ్రీ దక్షిణామూర్తి నవరత్నమాలికా స్తోత్రం Psalm Sri Dakshinamurti navaratnamalika

శ్రీ దక్షిణామూర్తి నవరత్నమాలికా స్తోత్రం

మూలేవటస్య మునిపుంగవసేవ్యమానం
ముద్రావిశేషముకులీకృతపాణిపద్మం
మందస్మితం మధురవేషముదారమాద్యం
తేజస్తదస్తు హృది మే తరుణేందుచూడం

శాంతం శారదచంద్రకాంతిధవళం చంద్రాభిరమాననం
చంద్రార్కోపమకాంతికుండలధరం చంద్రావదాతాంశుకం
వీణాపుస్తకమక్షసూత్రవలయం వ్యాఖ్యానముద్రాంకరై
ర్బిభ్రాణం కలయే హృదా మమ సదా శాస్తారమిష్టార్థదం

కర్పూరపాత్రమరవిందదళాయతాక్షం
కర్పూరశీతలహృదం కరుణావిలాసం
చంద్రార్ధశేఖరమనంతగుణాభిరామ
మింద్రాదిసేవ్యపదపంకజమీశమీడే

ద్యుద్రోధః స్వర్ణమయాసనస్థం
ముద్రోల్లసద్బాహుముదారకాయం
సద్రోహిణీనాథకళావతంసం
భద్రోదధిం కంచన చింతయామః

ఉద్యద్భాస్కరసన్నిభం త్రిణయనం శ్వేతాంగరాగప్రభం
బాలం మౌంజిధరం ప్రసన్నవదనం న్యగ్రోధమూలేస్థితం
పింగాక్షం మృగశావకస్థితికరం సుబ్రహ్మసూత్రాకృతిం
భక్తానామభయప్రదం భయహరం శ్రీదక్షిణామూర్తికం

శ్రీకాంతద్రుహిణోపమన్యు తపన స్కందేంద్రనంద్యాదయః
ప్రాచీనాగురవోఽపియస్య కరుణాలేశాద్గతాగౌరవం
తం సర్వాదిగురుం మనోజ్ఞవపుషం మందస్మితాలంకృతం
చిన్ముద్రాకృతిముగ్ధపాణినళినం చిత్తం శివం కుర్మహే

కపర్దినం చంద్రకళావతంసం త్రిణేత్రమిందుపతిమాననోజ్వలం
చతుర్భుజం జ్ఞానదమక్షసూత్ర పుస్తాగ్నిహస్తం హృది భావయేచ్ఛివం

వామోరూపరిసంస్థితాం గిరిసుతామన్యోన్యమాలింగితాం
శ్యామాముత్పలధారిణీ శశినిభాంచాలోకయంతం శివం
ఆశ్లిష్టేన కరేణ పుస్తకమధో కుంభం సుధాపూరితం
ముద్రాం జ్ఞానమయీం దధానమపరైర్ముక్తాక్షమాలాం భజే

వటతరునికటనివాసం పటుతరవిజ్ఞానముద్రితకరాబ్జం
కంచనదేశికమాద్యం కైవల్యానందకందళం వందే

ఇతి శ్రీ దక్షిణామూర్తి నవరత్నమాలా స్తోత్రం సంపూర్ణం